نضال بدر Posted مارس 10, 2004 Report Share Posted مارس 10, 2004 كتبت هاذي القصيدة اليوم كنوع من الرد على قصيدة "حرام أحبك" الرائعة اللي كتبتها لنا الاخت شهودة.. أتمنى تعجبكم القصيدة.. وأنتظر رأيكم فيها أنا مدري سبب هجرك.. هل بحقك أنا غلطان؟ وأنا اللي شلتك بعيني ونبضي وكل شراييني ترا في داخلي أشعلت في وسط الحشا بركان أنوح بحرقتي وأصرخ.. بأي ذنبٍ تجازيني؟ حياتي أصبحت ظلمة لبعدك يا أعز إنسان تعال وشوف بعيونك.. ظلام الليل يكسيني وعيّا الصبح يشرق بي.. وقلبي لفرقتك ولهان متى بتعود وترجع لي؟ وترجع بسمة سنيني؟ حنين وشوق عذبني.. حرام ارجع.. كفاية أحزان أبيك وما أبي غيرك.. دخيلك لا تجافيني حسافة الحزن بي سيطر.. وأصبح أقرب الخلان وهو كل لحظةٍ مقبل.. يصبحني ويمسيني ترا بعدك ذبحني حيل.. تخلخل فيني الميزان تمنيت الردى يحضر.. وتخلص عقبك سنيني حياتي يا الغلا والموت في عمري غدوا سيّان طريقك كلما يبعد.. إلى قبري يوديني ولو بتزور قبري يوم.. وتنثر ورد أو ريحان بتلقى مهجتي عندك.. ولك الأشواق تدنيني أمانة لا تنزّل دمعتك لأجلي.. ولا تنهان أنا ما أحتمل دمعك.. ولو للموت تبكيني Quote Link to comment Share on other sites More sharing options...
Bahraini_In_UK Posted مارس 10, 2004 Report Share Posted مارس 10, 2004 مشكور اخوي على هالكلمات الحلوه و عساك على القوه عشان انشوف الجديد منك Quote Link to comment Share on other sites More sharing options...
نضال بدر Posted مارس 10, 2004 Author Report Share Posted مارس 10, 2004 شكراً أخوي بحريني ان يو كي على التفضل والدخول... وعلى التعليق والرد على فكرة.. هاذي هي القصيدة الأصلية اللي رديت عليها: حـــــــــــــــــــــرام احبك انا ماكنت ابي عطرك .... ولاني للخطا عشــقان انا ماكنت ابي الا احس انك تحبـــيـــــــنـــــي وهبتك اجمل احساسي وجيت من الوله عطشان لقيتك يابعد عمري حسافه ماتحســـــــــيــنـي كتبتك اعذب حروفي .. ( قصيده) وزنها ديــــوان قريتيها .. رميتيه ا.. ابد ماكنها سنيـــــــــــنـي تجين من الفجر كذبه وعيـنـك تخـــفي العـنوان واشوفك في سواد الليل على الكذبه تمسيني انا جابتني الصدفه وهذي منة الرحــمـــــــــــن اشوفـك تاصفي لغيري صفات الي وصفـتـيني حبيبي يكفي اسلوبك انا يكفيني البرهــــــــــان انا مااصدق ليـش ولكن شافـتك عـــــيـني سكت وداخلي صرخه تردد صمتها الجــدران حسافه طاوعك قلبك بلا ذنبٍ تـبـيعـيــــــــــني الومك .. مــاالومك .. لاالومه وقتي الخوان عطيــــتك الف معنى حــب وهذا الي تجازيني انا ماأملك الا قـلب .. لكن للاسف تعــبــــان كفاني منبع الاحزان تفجر به شرايـيــــــــنـي احبك؟!.. ليه احبك ليه واتوه بعالمي حيران واشوف الناس من حولك تشوفيهم وتنسيني احاول اكرهك لكن فؤادي ماكـــره انســان غريبه كيف هذا القلب يحب الي جرح فــيني حبيبي داخلي كلمه عساها تشفي الوجدان حبيبي ماأقول الا .. حرام انك عرفـتـينـــــي وهاذي هي الوصلة: http://www.bahrain2day.com/forums/index.ph...showtopic=21029 Quote Link to comment Share on other sites More sharing options...
الحلوة Posted مارس 11, 2004 Report Share Posted مارس 11, 2004 كتابات حلوة ... أبدعت أخوي نضال .. و للأمام دووووووووم و بالتوفيق يا رب Quote Link to comment Share on other sites More sharing options...
الشيبه Posted مارس 11, 2004 Report Share Posted مارس 11, 2004 اخوي نضال ابصراحه ابدعت صح السانك ولا هنت Quote Link to comment Share on other sites More sharing options...
اخت القمر Posted مارس 11, 2004 Report Share Posted مارس 11, 2004 مشكور اخوي نضال على القصيدة الروعة Quote Link to comment Share on other sites More sharing options...
دانــــة البحرين Posted مارس 11, 2004 Report Share Posted مارس 11, 2004 مرحبااا.. ماشاء الله على الكلام والرد الحلوووو... صح لسانك... لا مجال للكلام ..قصيدة حلوة وكلمات معبرة وتناسب القصيدة الي كتبتها الاخت شهودة... الله يعطيك العافية وإلى الافضل دايما Quote Link to comment Share on other sites More sharing options...
محرقاوي Posted مارس 11, 2004 Report Share Posted مارس 11, 2004 مشكور اخوي نضال على الكلمات الحلوة انشالله الى الامام دوم Quote Link to comment Share on other sites More sharing options...
يـوسف العرادي Posted مارس 11, 2004 Report Share Posted مارس 11, 2004 مشكور فناننا المحبوب نضال بدر على القصيده Quote Link to comment Share on other sites More sharing options...
a7la dala3 Posted مارس 11, 2004 Report Share Posted مارس 11, 2004 مشكور أخوي على القصيدة الرائعة .... و بالتوفيق Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.